Khawbungin Minister Lalnilawma chawimawi

by News Editor

Tualchhung News

ZORAM TODAY| 7th August, 2024 (Wed): Vawiin khan Khawbung khawtlang chuan an khawchhuak - Prof Lalnilawma, Mizoram sawrkara Minister a nih lawmna leh chawimawina hun Khawbung Community Hall-ah an hmang.

Prof Lalnilawma chuan Khawbung khawtlangin amah lawmpuina leh chawimawina hun an hmang chu ropui a tih thu a sawi a, an chhungkaw chunga khawtlang thatna chu an theihnghilh tawh dawn lo a ni, a ti.

Khawbung khawtlang hruaitu ten amah chawimawina hun buatsaih an tum thu an rawn sawiin, mimal sum pek tur a neih loh avang leh sawrkar pawisa hman a duh loh avangin a hnar hmasak zet thu pawh Lalnilawma hian a sawi a, khawtlangin anmahni insengso a hetiang hun an buatsaih sak chu a lawm takzet tih a sawi bawk.

Prof. Lalnilawma chuan Khawbung khawtlangin intodelhna leh hmasawnna kawngah hmabak tam tak an la nei tih a hriatpui thu pawh sawiin, hma an sawn zel theih nan theihtawp chhuah pui a tum thu leh tlanchhiat a tum loh thu a sawi bawk a ni.

Prof Lalnilawma hian mipuite chu a department chan hnuaia hna lungawithlak loh a awm chuan a hnenah thlen turin a ngen a, hna thawk tha lo te a dim dawn lo tih a sawi bawk. Hmasawnna hna thawktute hnen atangin sawrkarin engmah lak heu sak a tum lo a, hna tha taka an thawh erawh a beisei let thung, a ti.

Horticulture Minister hian Khawbung khawtlang mamawh - Tarpaulin, Silpauline, Sprayer, Grass Cutter leh hlo tur te a hlan a. He hun pual hian Prof Lalnilawma farnu, Dr. Irene Lalrinpuii chuan nimin atang khan a thlawna inentirna an buatsaih bawk.

Khawbung Community Hall-a hun a hman zawh hian Prof Lalnilawma hian Hlakungpui Mualah far thing a phun a. BDO Office-ah Khawbung RD Block hnuaia Self Help Group aiawh te nen inkawmhona hun tha tak an hmang bawk niin vawiina sorkar thuchhuah chuan a tarlang.